ونتي ونةٍ خلوجٍ مـع الوقـت العتيـم
وكدت مذبـح ولدهـا وحالـوا دونهـا
حالي اللي راحت اشجار وديانه هشيـم
مبطـيٍ مازيـد دب الحيـا بغصونهـا
لاجرى ماها ولازيـد حركهـا النسيـم
من بطا الامحـال فيهـا تغيـر لونهـا
كانيٍ مابي وانا مخفـي ٍ شـي ٍ عظيـم
وكل الارض اليوم ضاقت علي ركونهـا
ياعرب تكفون من كان له قلب ٍ رحيـم
كل نفس ٍ صابها الحـزن لا تقصونهـا
خاطري داروه ياللـي تـدارون اليتيـم
وان بكت عيني من الدمـع لا تنهونهـا
كبدي اللي لاعها خافي الحزن السقيـم
كـل ماقلنـا تشالـت تزيـد طعونهـا