يشوف صورة غلاك ويسمع انفاسه
لو كان مابه (غلا) يسمع ويـنشافي
لكنه الحب يـــوم اصور احساســـه
تصوير شاعر ولا صورة فوتقرافي
لامن نـثــرته وضمه حـظـن قرطـاسه
تقول لولو غفى في حضن الأصدافي
شعـري واقيسه ويـفـدى عين لباســه
ملبوس حشمه على من يلبسه ضافي
ياللي عشانك تعــدى حرفي قياسه
ولَع وكن القمر في حضرته طافـــي
ياتاج راس القصيد وزخرف الماسه
ياملهمي ياغرور الحرف في قافـي
يـ أول بدايات مجنوك و (وســواسه)
حبك جنوني وقمــة حبك انصافــي
فـي داخــلي منك قـل النـوم واعماسه
اسهرك واغفى واشوفك داخلي غافي
وفي داخلي منك شوق داسني باسـه
مادامـه اركــم غـرام وجالــه شعافي