يَ عيونْ الظبي كانه ما على نفسك كلافه
نظره عيونك عذاب وصاحبك حظه لعب به
المياعه والعذوبه والعياره والطرافه
تجتمع فيك وتفرق في مساءات الاحبه
ويوم غبت بدون سبة لجل حكي و ما خلافَه
قمت اناظر في عيون الناس لاكني مشبه
و الزمن ماهو بري من ظلم وقته او جفافه
قاسي وقاسي كثير و نبّه اللي ما تنبه !
ليه تبعد عن عيوني يَ عيوني يَ حسافَه
جرح قلبي من غلاتك من سواك يعرف طبه
لا تخلي بيني وبينك من الجفوا مسافه
و دامني مديت فنجال المحبة لا تكبّه !
ودي بوصلك وهجرك صرت اكرهه واخافه
و جعل ما ياتي لهجرك بعد ذا اللي صار سبه
لا تخلي صاحبك يمشي والى من حـد شافـه
قال .. يَ عزي لحاله .. والله ان عادَه يحبه