يمّه من سنين.. ما ضرّوا ولا سرّوا
وانا لي سنين .. كاشخ فيهم ( احبابي )
برّيت فيهم سنين العمر ما برّوا
وكظمت غيظ السنين وقسوة عتابي
هبّت رياح الليالي ( هَمْ ) واتعرّوا
وقمت انتخي بالمواجع وافصخ ثيابي
وارمي بها البسوها ( عَزْ ) واتورّوا
و أنا ببعد بعيد اهناك لـ ( غيابي )
يمه ابسالك .. أحبابي اذا ( ذرّوا )
الملح في جفن عيني..أعذر اهدابي ؟
انا اعذره ع الدموع الزرق لا خرّوا ؟
والا الوم الحبايب واحسب حسابي ؟
البارحة كنت ضايق حيل ما طرّوا
ولا حسبوا لي حساب ولا انشدوا مابيّ
قعدت اراجع سنين العمر كم غرّوا
مافيهم اللي ركض لي يهوّن اتعابي
يمّه / اذا في صباح الجرح ما مرّوا
متى يمرّون يا يمّه على بابي ؟!!