,
مساء الخير 
..
الضبط والربط ؟ لوّ ما جاء على مايرام ؟
الجايه .. المايله .. مايعتدل ( ميلها ) !!
عزّ الله إني قنعت من الهوى .. والغرام !
وسرّتني اللي على ليلي :- سرى ليلها ,
حمامةٍ من لحنها .. غير عن كل الحمام
أمسيت معها تغنّي ليّ .. وانا أغنيّ لها !!
ياشين ( حبٍ ) يجي بين اللحم .. والعظام
مايجني من الضلوع ؟ .. إلا ( محاصيلها )
ياصاحبي , لو نقول : الطقْ يفك اللحام ؟
( طق المواليف ) .. مايقطع .. مواصيلها ,
وشلون ما أهتم بكْ ؟ وانته محط ( إهتمام )
ومحبتك في ضميري .. ( مسرجٍ خيلها )
إربط حزام الامان , الخوف ماله حزام !
وإخفض جناح المحبّه ؟ لين أعدّي لها
( تعال ) يكرم جنابك .. ياعزيز المقام
بلاش , من طاري الدمعه .. ومندّيلها !!
أقول : أحبّك , وانا صادق عليّ الحرام !!
لازال .. غيث المشاعر , دارجٍ سيلها
إما إستلمني ( غلا ) وإلاّ عليك السلام
لابدْ ( فرقاك ) .. تاصلني مراسيلها !!
