،
ألعب المنكوس وأحـب روباعـه = مملٍ في الوقت والوقـت خداعـي
مادريت أن ضحكة الوقت خداعـه = شفت مدخالي ولاشفت مطلاعـي
لابغيت أسـج والا انبسـط ساعـه = دق قلبي من وراء حدب الأضلاعي
كن مابين الضلـوع آلـة طباعـه = تشتغل لانمـت وأقـوم مرتاعـي
هـم قلبـي مايـفـرق تجمَـاعـه = كود جر الصوت والناس هجاعـي
فاقدٍ لي سلعـةٍ وأكبـر أبضاعـه = سلعـةٍ تشـرا ولاهيـب تنباعـي
رفقة الطيـب ليـا غيـر أطباعـه = أشهد أنها كيـةٍ توجـع أوجاعـي
،