[شمعة الجلاااس]

رسالة من بنت ...




أحاول أكون زينه بس ما أقدر . .

. . كل ما أحاول يردوني صديقاتي

يا آنسات السهر و العالم الأحمر . .

. . أنا ضحيه صداقتكم .. و غلطاتي

عشرين عام انقضت من عمري الأخضر . .

. . و أنا فـ بحر الضياع المظلم العاتي

كنت أحسب البنت مظهر ما هي بمخبر . .

. . كنت أحسب إن قيمتي قيمة عباياتي

أكلم .. آواعد .. أتكشخ .. و أتعطر . .

. . مضيعه ذاتي .. و ابحث على ذاتي

أبي الكلام الحلو .. و العالم المبهر . .

. . بكسر حواجز تقاليدي و عاداتي

بطير بين النجوم و بلعب و بسهر . .

. . بجاري الكل .. بمارس حركاتي

ما ادري أن الخطأ مهما كسب .. يخسر . .

. . في عالم الرجل .. قصولي جناحاتي

آهن على الحلم لا اتعثر و لا اتبخر . .

. . بالفعل .. تباً و تباً .. لنزواتي

خدعت نفسي كثير و كثير .. و الأحقر . .

. . خدعت أبوي .. أمي .. إخواني .. خواتي

العمر مره و مره وحده مو أكثر . .

. . خلاص خلاص .. توبه يا علاقتي

بتغير أكيد لازم لازم أتغير . .

. . أبا أتطهر من أدراني .. و شهواتي

بغطي المظهر و بهتم بالجوهر . .

. . يا رب يا رب تقبل دعاتي

أبي اتغير أبي اتحرر ابي اتطهر . .

. . اغفر لي الماضي .. و هيئلي الآتي

أبي أتوضى على قول .. الله و أكبر . .

. . أبي أحافظ على نفسي و صلواتي

العمر مره و مره وحده مو أكثر . .

. . خلاص خلاص توبه يا علاقتي

سعد علوش