ياليل خبرني عن امر المعاناة
هي من صميم الذات ولا اجنبيه
هي هاجسٍ يسهر عيوني ولا بات
او خفقةٍ تجمح بقلبي عصيه
هي صرخةٍ تمردت فوق الأصوات
او ونةٍ وسط الظماير خفيه
او عبرةٍ تعلقت بين نظرات
او الدموع اللي تسابق هميه
اعاني الساعه واعاني مسافات
واعاني رياح الزمان العتيه
واصور معاناتي حروفٍ وابيات
يلقى بها راعي الولع جاذبيه
ولاني بندمانٍ على كل مافات
اخذت من حلو الزمان و رديه
هذي حياتي عشتها كيف ماجات
اخذ من ايامي وارد العطيه