حل المسا والحزن فـي كـل مفـرق
والليل غامض مثل جرحي ومفضوح!
وأنا خوي الحـزن والدمـع الأزرق
ولا كل حزن بزرقة الدمع مشـروح!
غريب ، ما أشبه للخلايـق ولا أفـرق
عنهم ، ولكني أعانـي مـن الـروح!
نبت في صدري غصن فرحه ، ولا أورق
وأورق مكانه بعد يبّس .. غصن نـوح!
وإنهالت الذكرى على البال ، وأطـرق
للي ورى الذكرى من أحزان وجروح!
ساكت .. وغيم البوح يرعـد ويبـرق
في داخلي .. لكني آخشى من البـوح!
متعلّق بصمتي عن البـوح لا أغـرق
وليا غرقت شوي حولته مـزوح!