تعال نداعب زهور الغلا في روعة الاحساس
تعال اشعل شموع الشوق ياروحه ونبراسه
تعال وبعثر اشواقي ورتبها على الكراس
تعال نرتب اوراق الغلا في وسط كراسه
تعال اسمع قصيدي لا عدمتك من خوى هالراس
تعال وكل بيتٍ انت راسه يالغلا وساسه
تعال نسولف ونضحك على ضو القمر جلاس
تعال نشوف الى غار القمر من ضحك جلاسه
تعال نداعب انسام الصباح بروعة النسناس
تعال نواعد اسراب الطيور ونسمع احساسه
تعال يامن خذيت من الحسن والزين ست اسداس
تعال وخل للعالم ولو واحد من اسداسه
تعال نراقب نجوم السماء في صمتها حراس
تعال نصحي عيون الفضاء لا جاله انعاسه
تعال نبلل اشفاه السنين الماضيه يباس
تعال وخل نسقيها من اشواق الغلا بكاسه