[سعد الصميل]

فيه نوع من الناس . . تشوفه خوش ولد . .

لا لا . . مو خوش ولد . . تشوفه احسن واحد !!

وتشوف انه مايتكرر منه اثنين من كثر طيبه . . لكن فيه شي واحد يخليك تكِش منه !!

احد الامور اللي تخليك تكش من النوع هذا من الناس . . البخل !!

يعني مثلا بقولكم عن واحد اعرفه . . شخص علاقتي فيه طيبه جدا . . وحبيب وولد وفي كل شي عند وجهك . . لكن كنت جاهل بالبخل وماكنت الاحظه . .

بعدين نورني واحد ثاني << النوع هذا بعد ودك تسلم منه . . يفتحك على امور ماودك انك فتحت عليها !!

المهم . . نورني قال فلان ياخي بخيل . . انا على طول نقزت في وجهه . . لا يارجل انت وش تقول !!

رد علي ببرود . . ياخي لاحظ كل ماتروح معه مطعم او سوق تدفع انت . . وكل 10 مرات يدفع هو !!

هديت شوي . .

قال ياخي كم مره سمعت منه . . يوووه نسيت بوكي !!

هديت اكثر وابتسمت ! !

قال ياخي كم مره يتشكى لك من الفقر ؟

بعد الابتسامه . . ضحكت . . لأنه صحيح !!

قال أكمل بعد ؟

انا طبعا . . كمل كمل . .

صدمني بالطامه الكبرى . . قال تذكر يوم حلف علينا يعشينا بعدين خلاك تدفع الحساب ذاك اليوم بعذر انه مامعاه فلوس ؟

قلت طيب يمكن مامعاه !!

قال . . تذكر بعدها يوم رحنا لسوق شرق ودخل محل وحاسب بالـ كي نت ؟؟ !!

هنا ابتسمت بجد . . وقلت . . الله ياخذك . . اشهد انك طيحته من عيني صدق


بعدها اكتشفت ان البخل صدق . . هو عدو المرجله الاول . . . بلا منازع !