اهيم واليا صحيت اشوي يطرقنـي
هبوب ثقل العقل واعيش في حيره
حسبي على القلب عيا منه يعتقني
وقف معه وقفت الفارس على بيره
وين إنت طول غيابك يا مفارقنـي
ارجع وغيرك مابي حبه وتقديـره
من وين ماوجه الذكـرى تطوقنـي
وجدي على السيره اللي مالها سيره
غلاك في وقتي الماضـي معلقنـي
في كل لليله يعيد الفكـر تصويـره
حاولت بصد لكن قمـت تسرقنـي
ورجعت لك شايلٍ ذنبـك وتكفيـره
صبرت واليوم جيت الصبر عايقني
بيتٍ بنيته مايمحى الوقت تعميـره
لو كان طاريك وسط الصدر يحرقني
حلفت مايسكنه غيـرك ولا غيـره
إن كان قلبك مثل ماأعشقك يعشقني
يفداك من سببـت فرقـاك تدميـره
ماعاد به شيء بغيابـك يشوقنـي
إلا صدى صوتك اللي بيح السيـره
ولا عاد به شيء بغيابك يروقنـي
إلا لجا الدمع سيلٍ مـن محاديـره
هذي خلاصة علومـي يامفارقنـي
واليا وصلك الخبر عجل تباشيـره