بعد هالفاااااااتنه ابا اتوقف لعدة اياااااااام
يمكن احصل اللي تروي الذائقه
مسك الختاااااااااااااااام مؤقتاااااا
القلـب ينبـض بالغـلا والحـب يجـري فالوريـد
وأهل القلوب الخضر مثل النـاس خضـر عروقهـا
وأنا ليا هب الهوى من شـرق مـا عنـدي جديـد
قامـت ذعاذيـع الهبـوب اتسوقـنـي وأسوقـهـا
ما قادني سلك الحريـر ابـدون شـرط ودون قيـد
وأنـا علـى قيـد الحيـاه اللـي قليـل أوفوقـهـا
رجلي على البيدا تهـادى .. ميـر عيّـت لا تهيـد
وعينـي تخيـل المرزمـات اللـي تلـوح بروقهـا
يـا فزعـة الله مـا نبـا فزعـة قريـب ولا بعيـد
ما ذقت طعْـم النّفْعـه اللـي مـا طمعـت أذوقهـا
العام أهيض امن الطيور اللي على خضـر الجريـد
واليـوم مـا بلّـت علـى خضرالجريـد حلوقـهـا
بينـي وبيـن ألحانهـا للحيـن مـا ذاب الجلـيـد
والشمس حـال الليـل بيـن اغيابهـا واشروقهـا
عز الله إني يـوم أجـر الصـوت مانـي مستفيـد
وأنا لو أنثـر دمعتيـن .. أصـدّ ليـن أحوقهـا !
ما دام قوتي قوّتـي .. وإلباسـي البـاس الشديـد
يـا عـوق أحاسيـس المحبّـه كلّهـا يـا عوقهـا
أحط همّـي وأذكـره وأنسـاه فـي بيـت القصيـد
وأشيـل هـمّ القافـيـه وأفكـارهـا و اطروقـهـا
مره ذكي .. مرّه غبي .. مرّه شقي .. مـرّه سعيـد
مـرّه تحـت منظومـة الدنيـا .. ومـرّه فوقـهـا
ما عشت قلبي من حجر .. لو عشت ضلعي من حديد
تفـرق معـي سـود الليـال ولا تبيـن فروقـهـا
واللي غلاها ما نقص قـدره مـع الوقـت الزهيـد
جتني علـى ذوقـي وأنـا ذوقـي يطابـق ذوقهـا
ما هو بشرط أنظم لها الأشواق فـي عقـد ٍ فريـد
لو إنه أبسـط حـق أشوفـه يـوم أعـدّ حقوقهـا
الشعـر مـا ينقـص شعـور العاشقيـن ولا يزيـد
يمكـن يجمّـل عاشقـه مـا جمّـلـت معشوقـهـا
أكثر طواريـق الغـزل لـو ربّحـت سـاع البريـد
في سوق ( واقف ) واقفه ما عاد يمشي سوقهـا !