هذي قصيدة تعبر عن نفسها امل ان تحوز على رضاكم:-
خذيت شفي وانتهيت وجزت من درب الهوا=درب الهوا من ياخذه دايم يضيق ويشتحن
القلب جاه اللي كفاه من التجارب وانكوى=حتى اللسان من التجارب كل يوم وله لحن
صار الغلا والحب للي بالميه يشحن سوا=ياعزتي للي يحب ولامعه قيمة شحن
من يوم صارت مصلحه قلبي على الفرقا نوى=قفن ركاب الحب من قلب المعنّى وادبحن
الدرب مالي فيه لاجا فيه لفه والتوى=أكل لحم جلدي ولا آخاشر عدوي في صحن
جبرت قلبي بالمفارق واحسب انه ماقوى=واثره يعاف اللي يعافه ويتصدى للمحن
ياللي تبي (مسلط) على ماتشتهي مالك لوى=خسرت انا في الشوط الاول والغنادير ربحن
واليوم صارت روحت الصاحب وجياته سوا=رجعت ارَسب راسباتٍ قبل عامين نجحن
والرجل يعرف مدخله ولكل داء يلقى دوا=واللي تمسَن بالهقاوي بالهقاوي مااصبحن
اوقف لحسَادي مواقف عز والعقل ارتوى=واطحن حبوب الي براسه حب باقي ماطحن
وسلامتكم,,,,