انصـحـوا راع المشـاريف عنـها يستخـيـر
كـان فـي قلبـه من الوقت جـرحٍ مـابـرى
اشـهد ان الرجم تشريفـتـه شــرٍ شريـر
كـم صـبـورٍ دمـع عيـنـه لياشـرّف جـرى
يـتـذكــر والـطـواري بـراسـه تـسـتـديــر
خل ، والا رَبـع ، والا مشاكـيـل قـصـرى
والله انــي قـبل لاجـيـه وانـا اللي بخـيـر
غـيـر هــذي دبـرة الله وهـذا اللي جــرى
يـوم عديـتـه تذكرت لـي شــيٍ كـثـيـر
الـوكاد ان فـيـه شـيٍ على بالـي طـرى
ياوجودي مثل وجد الغني لاامسـى فقيـر
العمر مقـفـي ولاعـاد عـن فـقـره ذرى
من هجوسٍ ولعت نارهافي اقصىالضمير
نارهـا قامت تـسارج مـن الـحدب وورى
وآهنـي خالي الاحاسيـس ابـو قلبٍ كبـير
تمـضـي الايـام وآلـخـبل عـنـها مـــادرى