[تـخـف الـعـقـول]

السلام عليكم ورحمة الله وبركاته

مرحبـآآآ ... آتمنى تنآل على آعجااابكم

للـ شآعر:: حـمـدآن الـديـحـآنـي ..

عن نهر طيبتك .. ياقلب ماجور
............... إنت في ضفّة .. وذنبك بـ ضفّه

كان ما صرت من ماضيك مشهور
............... إنتبه .. لا تواضع للمسفّه

ولا يهمّك رديّ إليا شهد زور
............... لو حلاياه بتوقّف بصفّه

كلّ ماشاف هادي , قال / مغرور !
............... وإن ضحك مع رجل , قالوا / مخفّه !

منت لـ إرضاء , كلّ الناس مجبور
............... الرجل من لسانه تستشفّه !

يا لساني , نهيتك .. وأنت مشكور
............... تايه الراي ؟ خلّ اسمه يكفّه

كان باقي لك مْن الواهس شعور
............... لاتخلّيه عرضه للمهفّه

والله إن الشعر لـ عيونها الحور
............... ماهو اللي لك العاذل يصفّه

القصيد لـ غلاها مابه قصور
............... هرج عذّالي لناره .. مهفّه

لو حلا غيرها .. للعين ديكور ؟
............... هي حلاها ؟ حلا حشمه وعفّه

مثل من فاز بالجنّه مع الحور
............... فاز منهو خذا يدْها بكفّه

دام مابينه , ومابينها سورّ
............... والله إن الفَرَح بـ ايده يزفّه !