ذكرتك وارتوى خدي وأنا اللي لشوفتك عطشان
ذكرتك عقب ماكنتي مع النسيان مدفونه
ذكرتك جبتها ونه من أقصى قاصي الوجدان
ذكرتك باحت أسرارٍ ثلاث سنين مكنونه
ذكرتك صحت واهتز الخفوق وثارت الاشجان
ذكرتك سالت جروحٍ عجزوا لايداوونه
ذكرتك ووين ماصديت يجي وجهك يا اعزانسان
يناديني بليا صوت واشوف الموت من دونه
ذكرتك ضاعت أفكاري وغديت أحاكي الجدران
نسيت نفسي نسيت الناس نسيت الليل وشلونه