،
إلى متى يبقى كذا وانته بتبقي هاكذاك
وإلى متى وانا اتعثر فالوصل وأحاوله
وإلى متى وأنا أمدحك بحروف شعري وآهجاك
وإلى متى وأنا أرسمك على محيط الطاوله
إلى متى وأنا أتضموا من خطاك اليا خطاك
وإلى متى وأقرب نهر تبخل على جداوله
وإلى متى وإلى متى وإلى متى وإلآ متاك
بتقهوي اللي خاوي لمواصلك وتفاوله
أموت فيك وما يكثر من غلاك ألآ حلالك
يا تحفة ما هيب فيدين البشر متداوله
سلهامة عيونك متاهة وادي وعضة شفاك
صفة قطع سكر تعضبها على فرولة
الله يجيرك من صدوف الوقت وعيون الهلاك
والله يحفظك من سخافة الألسن المتطاوله
والله يخليك لخفوق عاش بتنفس هواك
يمرر أسمك في عروقه والضلوع تناوله
عيد بعيني جعل من ذمك من العالم فداك
وأعطف على من صكته بقعا فراقك وآوله
اللي ليا منه تذكر حلو وصلك عن جفاك
بكى بدمعة من يكابر والحزن متحاوله
،