[مطلق الخالدي]

رآحت ،، وخلّت دارها ،، ياحسافه
وأنا مشاريهي على وجه الأطلال

موطن لقآها دون وصله مسافه
خطوة .. وعمر الخطوة سنين وآمال

أحيان احتاجه (كثر ماأخافه)
وأحيان أقول البعد يحتاج [رجّال]

أعشق طريقه والخطاوي تعافه
والحلم في عمر الرّجا صار تمثال

ياآسفه .. والدمع ليلة زفافه
مابلّل كفوفٍ ولاطيّح عقال

جوبي متاهات الصدر وانحرافه
واقري علي من آخر آيات الأنفال !!

آخر مراحل هـ الصّبر في جفافه
وأسوأ نهاية لانكسر قلب ماطال

ماهو حرام أعشق مكانٍ أخافه
بس الحرام آموت ماأحقق آمال

ذاك الطريق .. وخاطري .. وانجرافه
خلّوني أعرف وش معاناة الأبطال

أرجع .. واسمّي رجعتي ياحسافه
بروح .. بس بحاجة انفاس رحّــال

وشلون أجيه وكل ماأطوي مسافه
[بيني وبينه وقّفت نفس رجّال]


للشاعر/ علي فهد الزعبي