السلام عليكم
أسـعـد الله أوقـاتـكم بـكل خير
هذهي ردية جرت بين الشاعرين
سلمان بن ضيدان الـعجمي
و
مسفر بن حسن بن خويران العرجاني
وكانت البداية عند سلمان
سـلـمـان بن ضـيـدان
سلام تسليمٍ نـخـص أبـه الـرجـال الغانمين=مـن شاعر العجمان .. والدنيا كفا الله شرها
لاصار فالدعوى يسار وصار فالدعوى يمين=خلك وسيع أبطان .. والـدنـيـا كفا الله شرها
مـسـفـر بن حـسـن
أبك البقا يالناجعي وأقلط على سمن وسمين=يـالشاعر البطران .. والـدنـيـا كفا الله شرها
لاصارت الدعوئ كذا نهجت منهج الأولين=وكّـلـتـهـا الرحمن .. والدنيا كفا الله شرها
سـلـمـان بن ضـيـدان
لك نظرةً وحده وأنا يابو حسن لي نظرتين=فـي منهج الـبـدوان .. والدنيا كفا الله شرها
إن ثـوّر الـبـارود ثـوّر بين خشم وبين عين=مني وأنـا سـلـمـان .. والدنيا كفا الله شرها
مـسـفـر بن حـسـن
لـي ﻧـظـرةٍ وحـده وكـلمه مـاتعوّد كلمتين=تأتي على الميزان .. والدنيا كفا ألله شرها
لاثوّر الـبـارود حنـا الـلـي يشـمّـونه كـنـيـن=في مذهب إلشجعان .. والدنيا كفاألله شرها
سـلـمـان بن ضـيـدان
ياراعي الجنب الضعيف إرفق تراالجنب المتين=يغويك فالميدان .. والدنيا كفا الله شرها
القاسيه فالملعبه ياهل المداحم ما تلين=هرجي معه برهان .. والدنيا كفا الله شرها
مـسـفـر بن حـسـن
اللي لـه أجنوبٍ كبار ومامعه عقلٍ فطين=صفراً بدون اعنان .. والدنيا كفا الله شرها
القاسيه لا جـيـتـهـا لـيّـنـتـهـا حـتـى تزين=أسمع كلام احصان .. والدنيا كفا الله شرها