[قلبي معاهم]

--------------------------------------------------------------------------------
اهداء الي اخي الغالي الشاعر الكبير ابن عامر

من مبارك الحملا الي الشاعر علي بن مبارك الكدادي الهاجري=ابن عامر=

الشاعر اللي يرسم البيت مضبوط = وراه غايب ياعرب مانشوفه
معاد له جره ولاخط مخطوط = ياوين ابن عامر فقدنا حروفه
في غيبة الممدوح ماني بمبسوط = ياجعل ابن عامر ماعنده كلوفه
يامستحل الشوط لاياقف الشوط = اللي سواتك مانشجع وقوفه
يالشاعر البيطار تستاهل النوط = نوط الشعر كله بشتى ظروفه
خليت جمهورك مع النت مربوط = يبغى القصيد اللي تشوق حروفه
عجل على العربان والدرب ممغوط = وان كانها ماجات والله حسوفه
هذي هي القصه ولاعندي شروط = السالفه جاتك عساها معروفه

========================================
رد الشاعر ابن عامر على قصيدتي
========================================

ياشاعـرٍ ركبـت بحروفهـا انقـوط=جاني جوابـك واضحـاتٍ اوصوفـه
فيه الوفا والـود صافـي ومصفـوط=وفيه المعانـي بالجمـال امحفوفـه
كلامك اللي قلـت ماهـوب مغلـوط=فعـلاً تغيّبنـا ولاهــي عـزوفـه
امن الشعر نغرف من بحور وشطـوط=والقاف ماكِن في ابن عامر ابجوفـه
غبنا بسبب واضح ولا شي مغطـوط=فالمنتـدى مكتـوب كـلٍ يشـوفـه
ياصاحبي شكلك من الوقت مضغـوط=وماشفت موضـوعٍ تقـارع دفوفـه
موضوع ابو سلطان بحروف وخطوط=مثل السحـاب اللـي تزبّـر قنوفـه
شاركت انا ربعي وانا فينـي اهبـوط=ولفلوَنـزا وسـط جوفـي تلـوفـه
وفيني حراره واصبح الصوت مشحوط=وبالرغم من ذلـك عزفنـا اعزوفـه
اعزوفة الابـداع واصبحـت مغبـوط=وقالوا كمـا قايـد يـوّزع صفوفـه
وابشـرك جمّلـت ربعـي ومبسـوط=وكلٍ تحمّـس قـام يصفـق كفوفـه
وبخصوص جمهوري فلا ابيه محبوط=كلـي لهـم وانـا نجاحـي وقوفـه
متمسـكٍ فينـي كمـا ربـط ببلـوط=ومانسى سؤاله عن غيابـي وخوفـه
فيبشر بشعرٍ نبدعـه غيـر ملقـوط=مقدوح من راسـي ولا احـدٍ يعوفـه
وختامهـا يـارب ماجانـي اقنـوط=من رحمتك والنفـس دايـم شغوفـه
على الستر والعافيـه دون مشـروط=وانـك تكافينـا الزمـان وصروفـه