تعال ودعني ترى باقـي حوالـي ساعتيـن
على المـوادع والمـوادع ياكبـر خسايـره
(حان السفر) لكن طلبتك لاتطيح الدمعتيـن
إلا فرح في شوفتـي بعـد الليـال الجايـره
ماودي بفرقاك لو عذري على الفرقى سمين
الله يصبرني على الفرقى ولوهـي صايـره
يا تارس عيوني تطمـن لايسـار ولايميـن
ماني بحاجه للوصاة النفـس ماهـي بايـره
ياراس مالي يابعد ناسـن تعقـد الحاجبيـن
وقتي إذا ماطاعني غصبـن علـي أسايـره
ظروفنا مهما قست مصيرهـا باكـر تليـن
والحزن لايمكن يطـول يالسنيـن الدايـره
عاطفتي أنتصرت عليك اليوم يالعقل الذهين
وأكبر دليل أفكار راسك والخطاوي حايـره
ياعقل صبرك لاتخليني حديـث الجالسيـن
محتاج وقفاتك مادام أشواق روحـي ثايـره
(زحمة حكي) في داخلي وابختصرها بكلمتين
(قلبي معك) لا لا تضايق لو ركبت الطايـره