[الشاعر ويكيليكس]

السلام عليكم ورحمة الله وبركاته

هذه قصيدة وصلتني من الشاعر/ انور النفيخ العازمي

ياويك : لك مده تشقلب مع الناس=ترسل قذيفه واتصدا قذيفه
اتحارب الشعار بالدرع والطاس= واش مايكون امن اللحم ماتعيفه
واتقول انا ماهر وصايد وغطاس =وراع العلوم المضحكات الطريفه
مالك هويه لو ملاك التغطراس= اسمك كبير ومخرجاتك ضعيفه
لو قلت انا عذب المشاعر والاحساس =وروحك رياضيه ونفسك خفيفه
اتكابر ولا لك مواقف ونوماس= الا مع اريام ومرام ولطيفه
الشعر ياويكي مصادره الانفاس= وانت تخلط مشتاه باقصى خريفه
اتجادل العربان واتعوًر الراس =وذلولك اللي معك ماهي عسيفه
اصرف ذهب لاتصرف نحاس بنحاس =وارقا الشواهيق الطوال المنيفه
وان دب فيك الخوف ياقلب جساس= اصفط على الشارع وخاطب رصيفه
الشعر مالك فيه غايه ونبراس= واذنك حياويه وعينك كفيفه
لاتلعب الديمن ولعب الورق حاس= مادام لك معهم حليف وحليفه
القوم تاخذ كل خاين وبلاس= بحدب السيوف الصارمات الرهيفه
ادحم بجنبك لاتوسوس توسواس= واختارلك بين الوظايف وظيفه
وانا لياغنيت لي قيش و قياس= واسمي صريح مسجلً بالصحيفه
قسمي ليامن دك فالبال هوجاس= صمخ البيوت النادرات العفيفه
اتعب على الجزله ولارحت عساس =اقطع مظامي مانويت النكيفه
وعطيتك من الجدر ياويك ملاس= وعساك بالصدر الرحب تستضيفه
اداعبك ماداعب الجفن الانعاس =ولا النوايا يالسنافي نظيفه
مراجلك ما اذمها دام لك ساس= ولاجيت اقسمها خفا بالنصيفه

وهذا رد الشاعر ويكيليكس :

لأهل اللحى موسٍ,, وللحنظله فاس=والمجد له ويكي ودرعه وسيفه
يا طيب فزعاته على قب الأفراس=ما يكسب إلا موميات السفيفه
ويكي على كل القرانيس قرناس=ما لد عينه كل ما شاف جيفه
أنشهد إنه بأبرق الريش مدباس=يازين مدباسه ومحلا رفيفه
ولا القرود اللي ورا جبال تكساس=ما كدرو صفو الزناتي خليفه
والقرد لامنه تكوكس تكوكاس=له عندنا موزٍ على كيف كيفه
وإن جيت في كابول وإن جيت في فاس=منته من اللي يمسح السمن ضيفه
منت العطاوي والجنازه ولا إدباس=ومنته مثل حاتم ولا انت القريفه
جيت الرصيف وشفت لي خمسة إبساس=ترجي من الخباز باقي رغيفه
يالبس الأجرب كب عنك التبسباس=من قبل جرحك لا يطوّل نزيفه
لا تحسب إنك بالنهائي على الكاس=عادك تلحّوس بالحياة الكسيفه
ذكرني إسمك في مشاريع الأكياس=اللي غدت بين الرئيس ورديفه
جمعيةٍ تباشروها بالأفلاس=سبة حراميٍ بنى له سقيفه
نفخت بطنّك من كثير التلحاس=وأهل (القصور)السرق تسمع شخيفه
راعي شروكيٍ تقحص بالأعراس=دايم علومك يالمراهق طفيفه
العام راسك تمسحه فوق الأطعاس=واليوم راسك في زلمسي مصيفه
أثر الحرامي لا شبع دق الأجراس=ونفسه من السرقات ماهي شريفه
وإليا لبس ثوبٍ ملاه التدناس=ما يغسله صابون تايّد وليفه
من جا على درب المطاليق ينداس=دامه يداحم بالضلوع النحيفه
ومن جا على درب الخطا يضرس إضراس=يختار له بين الهدايف هديفه
أداعبه ما داعب الغرب نسناس=مثل الوليف اللي يداعب وليفه
والقاف له بنٍ ونجرٍ ومحماس=ما يحمسه رجلٍ ذراعه صخيفه

وسلامتكم