يضيق صدري بس مدري يالرفيق
يضيق ضيقه جد أو هي بالعبط ؟
الزبدة إنّي كلما حسيت ضيق
أجرّ لي بيتين من شعر النبط
واقول ليتك يَ قصيدي لي صديق
مادام حظي في الخلايق ما ضبط
الناس ما تعتق وانا حزني عتيق
حتى على دمعي أجدْني منغبط
لقيت من هذا العمر ما لا أطيق
طـَـموح لكنّي من الحظ انحبط
أنام ما ودّي من احلامي أفيق
وافيق ماودّي عن النوم ارتبط
عزاّه يَ من كنت في قاعك غريق
أصبحت في شطّك ومقدارك هبط
الحين انا عاشق و لا عندي عشيق
عشوائي الإحساس واعيش بعبط
محمّد الشّهري