اليكم ما فاضت به القريحة
مغرور قلبك لا توصيـه مغـرور
.............. واثر المحبه فيـه اكبـر خسـاره
ودي يشوف الهم وتعيش مكسـور
..............وعساك تحيا واحتفل با نكسـاره
ودي اشوفك ضايق الصدر مقهور
..............لنّك بليد احسـاس قلبـك عمـاره
تعطي كلام الحـب وتلـف وادور
..............حتى الخيانـه تعتبرهـا شطـاره
جازيتني بالجرح والظلم والجـور
..............والقلب زايد مـن بلاويـك نـاره
عندك يتوه الحب ويموت مغمـور
..............وعندي يعيش الحب زايـد وقـاره
مثلك حرام يعيش بالكون مسـرور
..............ومثلك مرض لابد قطـع انتشـاره
راح ابتعد وانساك والشوق محظور
..............والحب في قلبـي معطـل قـراره
لا تحتري لقياي والقلـب مجبـور
..............يدفن جروح الحب باقـرب مغـاره
مغرور قلبك لا توصيـه مغـرور
..............واثر المحبه فيـه اكبـر خسـاره
اتمنى ان تحوز على رضاكم
اخوكم /
بندر الفدغوش