لا ضاقت إصدور الرياجيل،، ما ضقت= وأنحت على صم الحجر بالميادين
وأسكر ظفر وآخذ لي شهور ما فقت =لا نامت إعيون الرجال المسمين
وأفطر على تمر وزبادي،، ولا بقت =لا باقوا النواب شيكين شيكين
ولا أمدح الهافين،، خلقه ،،وإلى رقت= عزيز،، مدحي للرجال العزيزين
يا هاجسي يا جعل تسلم ولا عقت= في نصرة الأمه وفي نصرة الدين
وآجمّعك بإسم الفخر لا تفرقت= بين الغرام وبين جمع المزايين
حتى لو إنك في ضميري ليا وقت= شفت الهنوف اللي سبتني من سنين
ياما لها يالهاجس أرعدت وأبرقت= وأسقيتها غيثٍ يغيث المحبين
واليوم دامك بالجماهير وفقت= خلك مع الجمهور بالعسر واللين
غرّد فخر وإن كان للمهره إشتقت= قدم لها ديواننا عام الألفين
ما عاد لملاحا هل العشق لي وقت = والشام تمنع به صلاة المصلين