كنّ البشر ياصاحبي وسـط غابـه
إن مانهشت (ا)لحومهم هم ينهشون
لاعاد تنصي لك خـويّ وقرابـه
دنيا القوي فيها طمس كل قانـون
وانا خفوقي كل م/ انعـي سرابـه
هلّ الوله من محجر الشمس بشجون
أشتاق له شوق الهجير (ا)لسحابـه
أرخت ستايرها على كاهل الكـون
و احنّ له كثر الجـوى واحتطابـه
بقلوب هدّتها تناهيـد و شطـون
إن غبت عنّه يوم يشكـي عذابـه
وبات السهر في معقل الموق مسجون
واذا قميص الصبـح شقّـق ثيابـه
جاني على متن الوله كلّه (ا)عيـون
مجنون في حبّـه و ميّـت صبابـه
خافي شعوري خايف الناس يدرون
إذا كتمـت الجـرح زاد التهابـه
و اليا شكيتـه قالـوا الله بالعـون
ماظنّ يشفينـا الشعـر والكتابـه
طاح القلم ياصاحبي و جفّت النون