السلام عليكم وعليكم السلام ورحمة الله وبركاته 1) هل كنتي تتوقعين أختيارك من قبل دلوعة العجمان ؟ لا الصراحه ماتوقعت انها تختارني .. لكن اشكرها على اختيارها لي 2) بما أن أسمك (حبيبة ابوها) .!! كيف توضحين لنا علاقتك بوالدك ؟.!!!!! علاقتي بالوالد قويه والحمدالله وانا اعتبره مو بس اب اعتبره اخ وصديق مع اني مو بنته الوحيده لكن يعتبرني بنته المفضله ودايما يقولي " اشوف نفسي فيج " واحب اقعد معاه دايما واتناقش معاه بكل شي .. والله يطول بعمره ان شاءالله 3) هل هناك اعضاء في المنتدى تعرفينهم شخصياً ؟.!!! معرفه شخصيه للاسف لا يوجد . 4) ذكرى جميله عالقه في ذهنك وآخرى تتمنين نسيانها ؟.!!! ذكرى اتمنى نسيانها تصرفي السيء بسن المراهقه .. له ذكريات الله لا يعيدها . وذكرى جميله .. احتفال صديقاتي بعيد ميلادي بالثانويه وكانت مفاجأه لي جايبين كل شي واخر الحفله صادونا المدرسات ودونا الاداره وكتبونا تعهد لان ممنوع نجيب كيكه وحلويات الثانويه والله ضحكنا ضحك .. ايام كانت حلوه 5) شاعرك المفضل ... وما هو بيت الشعر الذي ترددينه بإستمرار ؟.!! للاسف مالي بالشعر !! 6) بما انك كويتيه (على ما اعتقد) .! من وجهة نظرك ... ما هي المشاكل التي تواجه الفتاة في المجتمع الكويتي ؟.!!! مشاكل ما اعتقد توجد مشاكل للبنت الكويتيه لان كل اللي تبيه حصلت عليه !! 7) هل تؤيدين أقتحام المرآه لمجلس الأمة الكويتي ؟ ولماذا ؟.!!! لا طبعا ما اوافق .. لان المراه مو مكانها المجلس .. المجلس للرياجيل وعيب عليها تحشر نفسها بينهم وتتكلم بأعلى صوتها .. وين الحياء ؟!!! 8) هناك من شعر بأن في المنتدى تحيز واضح للأعضاء الكويتين دون السعوديين .!!!! كون الإدارة كويتيه ... هل لاحظتي ذلك ؟.!! لا والله ما لاحظت وانا كان على بالي الاداره سعوديه مو كويتيه !! على العموم ما اشوف ان في تحيز كلنا واحد وماشاءالله السعوديين اكثر منا بالمنتدى على ما اعتقد ولا اشوف اي تحيز . 9) هناك من الأعضاء من يدخل المنتدى بأسماء غير لائقه .!!!!! ما رأيك في عدم التدخل من قبل الإدارة في هذا الجانب ؟.!!!!!!!! اذا كانت الاسماء غير لائقه ، فيجب على الاداره انها تتدخل وتطلب منهم تغير الاسم لان المنتدى بأعضاءه واذا كان اسم الاعضاء غير لائق فهذا يأثر على المنتدى !! 10) هل السفر للخارج لغرض السياحة أصبح ضروري لدرجة لا يمكن الاستغناء عنه ؟.!! لا مو ضروري ويمكن الاستغناء عنه . 11) أجمل بلد زرتيه ؟.!! لندن 12) لمن تقولين :- - ما قصرت .!! : لك انت على اسألتك الممتعه - أنت مبدع .!! : aziz .. مبدع باسلوبه ومواضيعه . - من طول الغيبات جاب الغنايم .! : الاخ مشغول . - معاً للأبد .! : صديقتي العزيزه - أنتهينا .! : أعتذر على الإطاله ... أختي حبيبة ابوها وفي إنتظار طلتك المعطره ... قرقاص . حياك الله اخوي قرقاص ومشكور على الاسأله الممتعه ويعطيك العافيه .
__________________