الســـلام عليكم ورحمة الله وبركاااته
أسعد الله أوقااتكم بالخير والبركّه 
الحـب لــو تنـصـف العـاشـق مقـاديـره=ماشـفـت أحاسيسـنـا عامـيـن مـخـذولـه
نتعـب علـى الحـب وتتعبـنـا مشـاويـره=وقـلـوب متعـايـشـه، وقـلــوب مقـتـولـه
لـو كـان للقـلـب شـهـادة حـسـن سـيـره=رفعت قلبـي وقلـت : القلـب منهـو لـه؟!
لــكــن لـلـوقــت دوراتـــــه وتـأثــيــره=والنـاس عـن دورتـه ماهـي بمسـوؤلـه
حنـا ضحايـا الغـلأ والـشـوق والغـيـره=نبَني مـن شعورنـا ، دولـه وسـط دولـه
غنـى لنـا الحـب فـي أعــذب مزامـيـزه=وجينـا نصـف الـكـلام الـعـذب ونقـولـه
كــلامــنـــا داه ، ودواه وقــــواريــــره=وفـراقـنــا تـبـطــل الأيـــــام مـفـعـولــه
وأنـا مفـارق قمـر ينعـش دجــى ديــره=وإشلون أبسري لا طاح الليل من طوله
علمـنـي كـيـف أتـغــزل فـيــه وأثـيــره=وعلمتـه الحبـك والمعنـى علـى أصولـه
ياليـن صـارو جماهـيـري ، جماهـيـره=ولا قلـت فيـه القصيـده جــوّ قـالـو لــه؟
ياوجـد خـذ لـي علـى مركبـك تأشـيـره=أنـــا بـصــدري كــــلام وودي أقــولــه
مايتعـب الرجـل ويعثّـر خـطـى سـيـره=الإ لا مـن حـس فـي فقـدان مـن حـولـه
شخـص ً يحبـه ولا فكـر بأحـد غيـره=واليـوم لـه وبـعـد يومـيـن مـاهـو لــه؟!