-
مشتاق لي وأنا بعد مشتاق لـك
يا شوق قلبي أنت يا كل الغـلا
حاكم وحكمتك على قلبـي ملـك
تآمر وألبّي في خضوع وفي ولا
لو قلتي عيني تم خذها قلت لـك
خذها فديتك يا الضنـى ودلـلا
في وسط روحي والحنايا منزلـك
والقلب عن ودك حبيبي ما سلى
كل الجوارح يا الغـلا تستقبلـك
من قبل توصل رددت أهلا هـلا
روحي يا روحي من غلاك تقبلك
يا بعد روحي يا عساني ما خلا
في ذمتي اني نعم محتاجلك
عنك دقايق لا حشا ما اتحملآ
كلي بشوقي يالغضـي أتوسّلـك
تبقى معي عن لا تفكر ترحـلا