هلا هلا يالي لك الشوق يبقى....... حي بقلبي نابض ن في عروقه
في غيبتك تعبت أدورك واشقى ........ وف جيتك اسقيت نفسن شفوقه
عنك أنشدتني في خفا الروح وارقى....... ماتت وهي بسمك تنوح مخنوقه
الله يا أجمل لقى فيه القى ............. وجه بنظرات تلمست شوقه
الحق قبل تبعد مظاويك فرقا ........... ترا السنين المقبلات محروقه
نظرت للدنيا مع كل مرقا ............ متمسك في رغبتي لآجل افوقه
سئلت هي كل السماوات زرقا ؟ ......... وف ناظري حرن قصار ن سبوقه
تعبت احاول واحمل الروح وارقى .......... شامخ نخيله طامع في عذوقه
لا شك احلى مر للنفس يسقى ......... حلو تحس بلذته وما تذوقه
الشاعر
فالح الدهمان