..
يازاويا غرفتي للصوت ردي
ازعجيني بالصدا ردي ورايا
..
ودي افهق لك ضلوع الصدر ودي
بس أخاف أشوف جرحي بالمرايا
..
ثم تنزل دمعتي من فوق خدي
من أعـالي قــمتي وش لي بقـايا
..
راس مالي دمعتي وارجوك هَدي
يازاويا غرفتي صــوت الزوايا
..
رَد صوتك به تَغَيُر وش بيدي
غير قتل الحرف وجروحي خفايا
..
وسط صدراً فيه لحروفي تحدي
وحلم حرفً فيه لاحساسي سجايا
..
يازوايـا غــرفــتي هالحــين هِدي
كل جدرانك على ضلوعً حنايا