قبل ايام معدووده
كنت قبل ايام في حفل زفاف شقيق احد اصدقاء الطفووله
وفتح لنا اللقاء عبق الماضي
وذكريات الطفووله وكاننا في حلقه ذكر الكل يروي ماتسعفه ذاكرته به
ولانني اغبط كل الاجيال اللي بعدي بالراحه والتكنلوجيا اللي وفرت عليهم كل شي
راح اسرد بعض معانتنا وارجوو ان لاينال منها مقص الرقابه
الشقيق الصغير الان كل واجاباته يقووم بها السائق والخادمه
على عكس ايامنا
كان الاخ الصغير يفعل كل شي ممكن او غير ممكن
1_ يصلح قهوه وشاهي الساعه 3 الفجر لربع اخوانه وهو عليه مدرسه
2_ يشتغل رسبشن على تلفون الدوانيه فلان راقد فلان مسافر تبع التعليمات اللي معطينه اياها اخوانه لمعجباتهم
واي غلطه عقوبتهاا ( العقال + واير الكوله المرقط )
3_ قبل اغلب تلفونات البيوت لاحركت المسند اللي عند محول التلفون تنقط الحراره
وعقوبه انقطاع الحراره وانت في الدوانيه (طراقين فقط )
4_ اي عطل في التلفزيون او الفيديو او مساند متبعثره او ماء فناجيل وصخ او طفايه منكبه
يتجمل الشقيق الاصغر مسؤوليه ذلك كامله
(حتى لو كان ممسي عند خواله صارله كم يوم وتوه راجع ) على قرار ليش مو لابس طاقيه
5_ في حاله تسكر الكواي واخيك راقد وانت ماطلعت ملابسه
(طراقين + تسفيل واهانات للفجر )
6_ ان استغفلتك وحده من صديقاتهم وخلتك تهل علوومهم
واير الكوله 
طبعا الاموور واجد الي كنا نرضخ عليهاا لاتعد ولاتحصى
لكن هناك حوادث مازلت عالقه في الذهن
ساسردهاا بعد قليل