‘
إلا جيت بدله زيد مريت له تذكار
وفي كل واديٍ له مداهيل ومراحي
تقارب حضايب عبرتي يوم جيت الدار
وشفت الرسوم المبطيه بعضها ماحي
غدا الجو كله عقب ذيك البيوت قفار
ولا فيه ممسىً لي ولا فيه مصباحي
خذت دمعة العين الحزينة لها مشوار
وخاويت هاجوس العنا طول مرواحي
تغير اسلوبي واختلف عندي المسيار
وكثر الهواجيس اخلفني وانا صاحي
وطاني زمانٍ ما يجامل به الصبار
زمانٍ يخلي خافي السد ينباحي
وصارت عيوني ذا السنة بالدموع اغزار
وكثرت معي الاحزان من عقب الافراحي
لِ شَآعرهآ / عآمِر بنْ نوُطَآنْ - آلله يرحمَه -
< آعششق قصآإيّده 