[عـزام]

ألا ياصغير السن ياغض يادلّوع=من العام مقلقني وذالحين مقلقني
معلّق حبال الذاكره في عظام الكوع=وزود(ن) على الثنتين معهن معلقني
تقل مالك ألاّ في غرامك معاي اسبوع=وانا منك قدلي عام والهم مرهقني
تفوع المشاعر فوعة الصقر عقب الجوع=ليا دق هاجوس القصيده وسارقني
فلا الحرف يصعبلك واذا صعب ياتي طوع=مهامسك يقنعني وصمتك يضايقني
تصيح الحلوق وغير صوتك ماهو مسموع=فلا كل صوتن لاسمعته بيسرقني
لأنك ضمير الحي والشعر والموضوع=معي في الثلاثه ثابتن ماتفارقني
سراجيف قلبي بابها للهوى مخلوع=علشان لاعانق ضلوعي يعانقني
مواصلك يغنيني وصدك يجر جموع=على كل ريع(ن) من همومي تهايقني
به الحلقه أم الوصل تطرق ثمان ضلوع=وباقي ضلوعي لاطرقها بيطرقني
الك فرع في الدنيا وانا لي معاك فروع=أسابقك في المسفوط واثرك تسابقني
واذا صرت لاترحم ولا تاوي المفجوع=ترى دون ذيك وذيك ياليت تعتقني

مبارك بن اعيينان الهاجرى