[ريــما العجمان]

ما يحس القلب في جرحك وهو كله جراح !
ما يحس القلب في جرحك وهو كله جراح !






في وسط قلبي سفينه وفي سما ( حُبك سدم )
تشتهي بحرك وتجري عكس شهوتها .. الرياح




كن هذا الصبح بـ العتمه بليّاك ، إنردم
يا صباح الخير من غيرك بلا ( خير ) الصباح




أثر ثلج فراقنا يلسع وشوقك ما خدم
توّي أفهم : شنهو تعني ( لسعة الثلج ) لـ فلاح




لا تحارب .. ما أبيك تعض إبهامك ( ندم )
جيت لك : قصدي إنت فاهم ، شوف / ما أحمل سلاح




الزعل : غلطة حبايب قلب من قلب إنصدم
والرضى ساكت ، وعزة نفس تتثاقل سماح




ياحبيب الجرح .. شوف إحساس محبوبك ( عدم )
ما يحس القلب في جرحك وهو كله جراح




كان في وجهك بقى لك دمعتين .. وفيه دم
هذي ( هُدنه ) نتّفق بـ شروط وننساه اللي راح




يا أجي أرضك .. وأترك فيها لي بصمة قدم
أو أصد وأكتب عليها : ( أرض مافيها صلاح )




يا أعيش بـ وسط قلبك ونبني كل شي إنهدم
وإلا قدامك أموت وأوقف بـ وجه ( الرماح )




إعتبر نفسك معزّب .. و المشاعر لك : خدم
وإنت كيفك دام قلبي ( أرض منزوعة سلاح )







وإنت كيفك دام قلبي ( أرض منزوعة سلاح ) !!
وإنت كيفك دام قلبي ( أرض منزوعة سلاح ) !!
وإنت كيفك دام قلبي ( أرض منزوعة سلاح ) !!