,
بسم الله
سرى الليل والعجمي يهوجس على مركاه
يغنّي على المنكوس ويرّتب القافي
مع الليل الاسود مانفعت وصفته ودواه
يشوف الدوا ناقص , لوّ إن الدوا وافي
وياطول ليله بعد فرقى الغضي طولاه
يسامر نجومه , وأزرق الدمع ( ذرّافي )
انا والعذول اللي يقول : إتركه وإنساه ؟
سواة المريض اللي يحاكيه متعافي
انا كيف أبنسى والهوا يزف لي ذكراه ؟
وراس الهواوي لوّ تصافى مهوب صافي
وراعي البحر حب البحر لوّ غرق في ماه
يغني على : هو ليه يامال .. ياكافي !
وراعي الصحاري دايمٍ محتزم شلفاه
يدوس الافاعي بالقدم , والقدم حافي
وراعي الغرام يجر قافه على معناه
لوّ إنه يترجم هاجسه في شطر كافي !
أخواني ..
اليوم بالذات محتاج دعواتكم لـ أخوكم
يارب توفيقك ,
لا تنسوني من دعواتكم