ذكرتني جيتي لك ولهفات الحنين
سالفتنا سالف الوقت وعلومً مضت
يوم عاد الود قايم وشوفه شوف عين
يوم عاد حبال وصل المحبه مانقضت
الله أكبر كيف سجيت يالوجه الحسين
ساعةً فيها عيوني تهامل مأغضت
يوم كنيت العباير ولجيت الونين
حزة فيها من الحزن عينك مارضت
تكتم دموع الحسايف وتعبيرك حزين
وانفرت كبدي وكبدك من البعد انجضت
صرت وين اليوم مني ومنك صرت وين
ماتجيني كون ذكرىً وسط كبدي لضت
.