[سـمـآويـه]

كثير أتخيّلك و تجينْ في بَالي
قَبل ما أنَامْ أشوفِك نورْ في ظَلما

أركّز فيكْ و أرمي هـ النّظر عَالي
و أغمّضْ و الرّجا في شُوفتِك مَرما

و شِفتِك ماني مصدّقْ هنيّالي
يَ حلو الحِلم في هـَ الليلَه العَظما

أخيرًا حقّقْ الله فيكْ آمالي
شِعرتْ إنّي بقومْ مِن الفَرح مُغما

حلَمتْ إنّك مَعايْ و كِنتي قبَالي
أسُولِف لِك و أحسْ إنْ الحَديثْ أسمَا

مِن أيّه شِعر قلتَه لِك و يِطرالي
عَلى أرضْ الحَقيقَه و أحرفي بكما

تعَالي ما أبيكْ الحينْ تتعَالي
تعَالي و انظري هَـ الجرحْ كيفْ أدما

أنا اللي فيكْ ما طاوَعت عذّالي
و لا دوّرت في غَاده و لا سَلما

أنا المِشتاقْ لو ما كِنتي تبَالي
انا مهمَا أحبّك ما وفَت مهمَا

بغيتْ أحضِنكْ لكن مِن ردا فَالي
و يومْ الجَو توّه بَ اللقا يَحمَا

صَحيتْ مِن الظّما فجأه و بِ التّالي
صَرخت و قلتْ يَ للقهَر ليشْ أضما

أنَا يَ دوبْ شِفتِك و أرتوى حَالي
أنا عَطشَانِكْ إنتي مَا عطشتْ المَا

يَ ليتْ أنا قعَدتْ شوي و أطلالي
مَعْ في الحِلم تسوى قائمَه و أسمَا

و يَ ليتْ الشّخصْ لا مِن شَاف لَه غَالي
بحلمَه مَا يفتّح لو يقومْ أعمَى

خصوصًا لا إنحرَم منّه كـَ أمثَالي
مَا عندَه مِشكلَه لا عَاشْ في ظَلما