[سـمـآويـه]

لَو تظَاهرتْ الصّبر و أبديتْ نِسياني وداده
و الله إن يِبقى غَرامَه في الحيَاه أكبَر وصيّه

إيه أحبّك بَس أخفّي خوف من طَالع قرادَه
و القَهَر كَبت المشَاعر عندنا لكن شليّه

مثل حب الشّيخ أسَامَه و احترامْ أبو قتَاده
طاغيَه عِند الشّعوب المسلمَه لكنْ خفيّه

و الله إنْ يَبقى الغَلا لَه كِل يومْ في زيَادَه
و و الله إنْ يِخلى مكَانَه لينْ تَاتيني المنيّه

بَذكرَه دامْ الشّتا يَبني بَه سهيل و برادَه
و بَذكرَه دامْ البراد يذكّر العاشقْ خويّه

كِن قلبي لا سمعتْ إسمَه و طرّوا لي بلادَه
شيخْ زار لعلعوا عندَه لحُون السّامريّه

أعشقَه في الرّوح رغبَه لينْ صَار العشقْ عَاده
و أحشمَه لو هُو علومَه كلّها عِندي رديّه

أعشقَه حب و إرادَهه لينْ صرتْ بدونْ إرادَه
كِنت ألبّي ما يَبي بِ الطّيب ثمْ غصبٍ عليّه

ابتَعدت أهدّده بِ البعدْ لـ أجلْ أبني السّعادَه
أثرني مِن كَف قومَه طِحتْ بيدينْ السّريّه

كنّي اللي راحْ يِصطاد الطّرايِد لينْ صَاده
صيده ماتتْ معَه لا شَك فكّت للبقيّه

بيّن سهيل الغرامْ و غَاب و المحبوبْ عَاده
قَاطع وصله و لا فكّر و لا نوّا بنيّه

صَاحبي و الحَظ الأقشَر عتّم دروبي سوادَه
و الغَرامْ أطيَبْ تَلاميذَه مَغول و بربريّه

الجنُون إنّي شَربت المر من كَاسَات غادَه
أثرها تَبغي تعيدْ أمجَاد ليَلى العامريّه

حبّها مَجنونها لـ إخلاصها حَسب إعتقادَه
و إنهبَل لنها بحبّه لا صدوقْ و لا وفيّه

تحرمَه تَبغى تَلذّذْ في عَذابَه و اضطهادَه
لينْ خلّدها بشعرَه و الوصوفْ النرجسيّه

لبستْ ثيَاب اليتيمَه لينْ وصلتْ لـ السّيادَه
و اسلبتني كِل ما عِندي و إهي أصلًا غنيّه

و اسحرتني في ذكاها اللي يطعم بِ البلادَه
تسرِق عقولْ و تسوّي نفسها بإنها غبيّه

في دَلعها عفّه أطفال تسقّى بَ الرّكادَه
دامجتها في نعومَه حضرو عنادْ بدويّه

الخطَا منها يجيني و أتحلا بَ الجلادَه
و إنْ تحاججنَا و هي غلطَانَه تطلّع بريّه

أنعَم الجنس اللطيفْ و جنّها حب القيَاده
الله أعلم وشْ تسوّي ذيكْ لَو ما هي بنيّه

صرتْ أشكّك في نيوتِنْ و أتمعَن في اجتهادَه
صرتْ أشكّك إني التّفاح و هي الجاذبيّه