مـا هو بكيفك تواصلني وتقطعني
أمـا غلا بين (ن) أو فضها سيره
ياشين لا جيت تقطع لا تـوادعني
ليتك تحس الواع شلون تـأثيره
يا ماخذ(ن) حب اللي فيني وسمعني
حـب(ن) على كبر صعب ابدله بغيره
ابحتفظ فيك وادري منت بنافعني
يمكن مع الوقت أقول محبتــك خيره
والله تــدري وش اللي معك دافعني
اني معــاك انت امارس اخر الغيره
واحــب فيك البرود اللي يقاطعني
لـو ما تكلمت صمتك صعب تفسيره
يااللي عليك البشر شوفهـــا تقاطعني
منين ما اوجه الهقوات لــك سيره
ياشينها من الخوى قولتك قـاطعني
ما غير شره ولا انت بشايف(ن) خيـره
ياشينها منــك لا جيت توزعني
في عذرك اللي على هالظـرف تجيره
شوف كبر صبر البشر ما عاد يوسعني
واكبر هموم العباد اشوفهـا صغيره
وش جاك مني خطا يومـك تبيعني
في سوقها عليك اسوقها لـك جيره
انــا اذكر انك يومن تقول دلعني
القلب هانت علشانك مشاويره
يا مشغل (ن) القلب بين تحبني ويعني
شي يقول اعذره واقبل معاذيره
قلت احتفظ فيك وادري منت بنافعني
يمكن مع الوقت اقول محبتك خيره