ياللي غيابك غير عن كل من غاب
أرجع ،، ورجّع فرحتي لو تكرمت
قلبي بعد فرقاك ، طايح ومنصاب
واهل العذل في غيبتك تكثر الشمت
الشوق في صدري ترى كلمة عتاب
لو مانطقت بها لطيفك ،،، تندمت
أقراك ، حلمٍ في متاهات الاصحاب
وأهمس لوعدك كم عشانك أنا همت
أمرض وأطيب ولكن الجرح ماطاب
وأستر طعوني بالخفا ،، ما تألمت
أجاوب الجدران واشرح لها أسباب
ذاك الغياب اللي كسر شامخ الصمت
واضحك لوقتي وأرمقه نظرة إعجاب
ولا جيت أسولف بك عليّه تلعثمت
صاحبك من بعدك غدا ما هو بشاب
شيّب زماني بي ،، وأنا ما تولمت
تدري وش اللي يجلب لقلبي أتعاب
أخاف ،، تجرح وحشتي ما تكلمت
لكن على أيّة حال ، يا كل الأحباب
شكراً لغيباتك وشكراً على الصمت