تبي تبعد على كيفك لمثلك ماحسبت حساب
تجي وتروح مايفرق ترى عندي غدا عادي
حسافه هانني قلبي وجعلتك سيد الأحباب
أحب اللي يحبونك وأعادي من لك يعادي
ولكن بانت علومك عرفتك ياشبيه الداب
تشيل السم بأنيابك وأشيلك حب بفوادي
عرفت انك شبه إنسان مجرد جسم وسط ثياب
يوسوس لك عدو الإنس تدس السم في زادي
معي بأسم الوفا تمشي وتمارس لعبة الأعصاب
تظاهر لي وفيّ مخلص كشفتك اكبر معادي
لا صار من الخطا كاسك طفح وأمسيت له شراب
زرعت الشوك وأنت اللي في ثمر غرسك البادي
تحمل غلطتك وأرحل وأظنك فاهم الأسباب
وأنا راحل وفراقك مناي وغاية مرادي