ياللي غيابك طال وبحقي اخطيت
هذا شهر ما اشوف للوصل نيـة
هن كان (ن) اسبوعين لكن تماديت
في غيبتك كنك موصـى وصيـة
لعبت باعصابي ولا قلـت مليـت
لا راح يوم اقـول باكـر مجيـة
الله يانـي فـي غيابـك تحريـت
اثر المفارق صعب ماهـو شويـه
عقبك مشاويري من البيت للبيت
اخـاف لا دقيـت مانـي هنيـه
عانيت بغيابك انا حيـل عانيـت
يابغضني للبعـد لا رحـم حيـه
هذا شهر وش عاد لو انك ابطيت
والله لتلقى لـك هنيـا ضحيـة
البارحة مابين يمكـن ويـا ليـت
وابليس يتركنـي ويرجـع عليـه
فكرت لو طول غيابك ولاجيـت
يعني كذا روحه ومن غيـر جيـه
خانتني الدمعة وطاحت وصديـت
ملعون ابو التفكير يذبـح خويـة
وسلامتكـــــــــُم .. بـ انتظار ردودكم