[الجويّر]

ياعاذلي وش تبيبي جعلك السلاّل = خذيت منـّي حياتي وش تبي فيها

مالك مصالح ولاهي رزقة ٍ بالمال = هذي احاسيس ود ٍ ليه تمحيها

فناك ربي عسى زولك من الازوال = يفنا وشرواك جعل الربّ يفنيها

أوديتبي للهلاك وهايل الاهوال = وصكــّات بقعا علي صكــّـت بلاويها

اسهرت عيني وقلبي كنّ به ولوال = وعيني ليامن غفت همــّـي يقــّزيها

كذبت فيني وقلت سعود قال وقال = حطمتها بالندم واشياء تخفيها

حكــّـمت هرجك ولا لي فيه انا مدخال = حيرتني حيرة ٍ ياوش تواليها

عكرّت صافي محبتنا ووقت ٍ زال = وكرّهتها الحب مع سالف للياليها

ذيك المباني ابا عن هــّزها الزلزال = لاكن كريه الحكي هـّدم مبانيها

هـّدم قصور ٍ زهت في كامل الاخصال = عمهوجة ٍ غاليه في قلب مغليها

واليوم صارت عشيش وصايره اطلال = والريح يصفر بها والحزن كاسيها

شفت الدرايش تواما والحمام اجوال = صديت منها ونار الكبد تشويها

صديت والعين فاضت دمعها همــّـال = ورجلي تعثر وحاول بس أقـّديها

مصدوم مهموم محروم وعذابي طال =مجزوع مفجوع مقطوع الرجا فيها

من عقبها الحزن في حلّي وفـ الترحال = واشجان واشواق صعبه كيف اهـّد يها

لاعاد دقت ولا جا منـّــها مرسال = من دونها حال ياسي عن رجاويها

وماقول انا الا عساها في هناة البال = لو هي معا الغير جعل الله يهنيها

مالومها بالجفا لومي على العــّـذال = قطـّاعت الوصل كذابه حكاويها

والخاتمه وين بلقالي دوا الغربال = وضيقات صدري دعيت الله يعــّد يها




وسلامتكم


الشاعر // سعود رتيبان الجويّر