آه من حالٍ يضيق الصّدْر منـه ويكتوينـا
كل ما قلنا تيَسّر جـدّدَت بالحـزن الاخبـار
واه من ضيمٍ شربنا مـاه نضمـاه وروينـا
كلمةٍ تاقف بحلق اقلامنا وتجـفّ الاحبـار
وش بيدينا غير ندعي ربّنا اللـي محتوينـا
نرفعْ كفوف الضّراعه مقبلينٍ مـا بناادبـار
سوريا نأسف لهذا الوَضْعْ ورَبّي ما قوينـا
ليت يدينا طايلتكم وقْصَرَت فالبُعْد الاشبـار
الحزن مثل الجفاف اللـي لوانـا والتوينـا
والبكى مثل السّحاب اللي مطَرْ ودمُوعهْ كبار
صفحة الأمْس افتتحناها مآسي مـا طوينـا
كلها صفحه حزينه عجعجة في لجّة غبـار
والأمَل في باكر اللي ننتظـره بمـا هوينـا
ما يموت العاق لو ما ينولد لك واحـدٍ بَـار
الشاعر بندر الخنيفر هبوب
أسأل الله ان ينصرهم علي الطاغيه
تقبلوا تحياتي
الماسه