[راعي الوفا]

علي الكدادي كل يوم يفاجأنا بشيلة رائعه

واليوم حبيت انقل لكم شيلته اللي عليها طلب ماهو طبيعي .. الظاهر المجروحين واجد ههههههه


( قلت لك اسف ) من كلمات وأداء الشاعر الكبير علي بن مبارك بن عامر الكدادي


شيله كلها احساااااااس والأداء جناااااااااااان




http://www.youtube.com/watch?v=0r6qd...layer_embedded




قلت لك آسف وعنـي مارضيـت=ويش اسويلك لجل ترضى علـي

كنت اجس النبض والله ماخطيت=في دعابـه وانـت ودك تزعلـي

يامقفـي شكلـك لغيـري لقيـت=وجات لك فرصه سببها ترحلـي

يامعنينـي ليـا منـك نـويـت=بالرحيل اللـي صـداه يزلزلـي

ارفق بحالي ترى منـك اكتويـت=ونار هجرك وسط قلبي تصطلـي

ماشكيـت الا لربـي ماشكـيـت=( والله الوالي ولا غيره ولـي )

وماهقيت الصـد منـك ماهقيـت=ارجـع وتذكـر كـلامٍ قلتـلـي

يومك اتـردد لبـو تمـام بيـت=( مالحبُ الا للحبيـب الاولـي )

وين عهدك بالوفـا لا ماوفيـت=وللمواثيـق القديمـه تجهـلـي

ضاعت عهود الوفا ياللي جنيـت=والوفـا لهـل الوفـا ويجملـي

كنت اظنك مخلصٍ لـي مادريـت=انـك المقفـي وغـدرك مقبلـي

كيف تنساني وانا اللي مانسيـت=والله انـي فـي هواكـم مبتلـي

الخفـوق يفـز لامنـك طريـت=وافطنوا فيني ربوعي مَـعْ هلـي

بعدكـم مابـه ولا يـومٍ سليـت=وجمرتك وسط الحشا تغلي غلـي

ليت تدري وش حصل بعدك ياليت=كان ماتهجر ابـن عامـر علـي