.
.
اليوم شفته بعد فرقى سنين ، وسنين !
و القلب مادق لكنّ / العيون إدمعـت
دمع القهر من عيوني غير دمع الحنين
يوم أذكر شْلون روحه لـ المفارق سعت !
اتذكر اللي مضى مابين حين ٍ وحين
لو هي قوانين روحي للفراق خْضعت
لكن وش أقول ؟ في جرح ٍبـ قلبي دفين
ما طاب رغم السنين اللي مضت مااسرعت !
يا اللي تجونه أمانه وصلـّوا ، كلمتين
قولوا له شْلون نفسي بـ الفراق جْزعت
قولوا له إني حفظت الود و ( الوردتين )
آخر هدايا المحبه فـ الخفوق اينعت !
قولوا له إني عشقت الشعر وأصبح ضنين
قولوا له شْلون شاعرته بعَدْه أبدعت
قولوا / بـ ليلة فراقه كيف آجر الونين
ظنـّيتها الروح من حر الفراق طْلعت !
لكن عسى الله يبيحه كثر ماهو حزيـن
هو شافني اليوم / وعيونه بعد دمّعت !
،