,
مسى الخير .. ياطاري غرامه ليا مرّيت
تفضّل على باقي قهوته .. وفنّجالـه
دعتك الهبوب بريح ذكره , ورحت وجيت
على واحدٍ ماهوب سالي ولا دالـه
دعاني بنبره ؟ لاتذكرّتها .. حسّيت :
محدٍ حب في هذا الزمن غيره لحاله
ذبحني بعينه يوم قفّى .. وانا قفّيت
رحل .! وأدري ان في خاطره شئ ما قاله
على كثر من وادعت قبله .. ومن حبيّت ؟
هو اللي ليّا هالحين .. حبّه على حالـه .!
عليه القصيد أشفق من الناس لا غنّيت
وعليه الشعور أصدق من ( العود ) لـعياله
