آتخيل كيف لو احضى بقربه؟
واقدر انسج له ربيعه من خريفه؟
واتخيل لو ضمى حبي واصبه؟
من يميني يشربه بين الرهيفه؟
واتخيل لو عناه اقدر واذبه؟
وارسم احلامه حقيقه عقب زيفه؟
واتخيل كل ما اقصد ينكتب به
والمعاني تنتثر تحته قطيفه
بس اخاف ان الليالي ذيك كذبه
والزمن يشهر بوجه الحب سيفه
ليت خلي لاسمعني خاف ربه
يسمح بشوفه عقب ظلمه وحيفه
شوفتي له هي دوا قلبي وطبّه
واشهد الله نيتي صوبه عفيفه
جيت كلي .. وادري الاحلام صعبه
بس يعذَر من عشق نسمة وليفه .
.